სამშაბათს ნიუ-იორკში, მანჰეტენის სასამართლოში ყოფილ პრეზიდენტს ბრალი 34 მუხლით წაუყენეს, თითოეული ბრალდება ითვალისწინებს მაქსიმუმ ოთხი წლით თავისუფლების აღკვეთას.

რატომ არის მნიშვნელოვანი: ტრამპი აშშ-ის ისტორიაში პირველი პრეზიდენტია, რომელიც სასამართლო პროცესზე წარსდგა.

  • სასამართლო ექსპრეზიდენტს 2016 წლის საპრეზიდენტო არჩევნებამდე მოზარდთა ფილმების მსახიობ, სტორმი დენიელსისთვის $130 000-ის ჩუმად გადახდას ედავება.
  • ტრამპი ირწმუნება, რომ მისი სასამართლო პროცესი შეთქმულების ნაწილია, რისი მეშვეობითაც საპრეზიდენტო არჩევნებიდან მის ჩამოშორებას ცდილობენ.
  • "ერთადერთი დანაშაული, რაც ჩავიდინე, არის ის, რომ უშიშრად ვიცავდი ჩვენს ერს მათგან, ვისაც მისი განადგურება უნდა", — განუცხადა 76 წლის ტრამპმა მხარდამჭერებს.

გამოხმაურებები: "ეს ნიუ-იორკის შტატში დანაშაულია, არ აქვს მნიშვნელობა ვინ ხარ. ჩვენ არ შეგვიძლია მოვახერხოთ სერიოზული კრიმინალური ქცევის ნორმალიზება", — განუცხადა მანჰეტენის ოლქის პროკურორმა ბრეგმა ჟურნალისტებს ტრამპის დაკითხვის შემდეგ თავის პირველ საჯარო გამოსვლაში.

  • ბრეგი ხელმძღვანელობდა გამოძიებას ტრამპის მიერ ფულის ჩუმად გადახდის საქმეზე, ასევე, აგროვებდა მტკიცებულებებს სავარაუდო გაყალბებული ბიზნეს ჩანაწერების შესახებ.
  • "მიუხედავად იმისა, რომ ყოფილი პრეზიდენტის ბრალდება უპრეცედენტოა, მანჰეტენის ოლქის პროკურორმა დიდი გამბედაობა გამოავლინა დონალდ ტრამპისთვის პასუხისმგებლობის დაკისრებაში", — ნათქვამია ტეხასის დემოკრატიული პარტიის განცხადებაში.
  • "სამწუხარო მომენტია ჩვენი ქვეყნის ცხოვრებაში, როდესაც აუცილებელია ყოფილი პრეზიდენტის სისხლის სამართლის პასუხისგებაში მიცემა", - თქვა შიფმა, კალიფორნიის დემოკრატმა.
  • "დღეს ყველა ჩვენგანისთვის ცუდი დღეა და ჩვენ ყველანი ვინანებთ ამას დიდი ხნის განმავლობაში", — დაწერა რუბიომ, ფლორიდელმა რესპუბლიკელმა და 2016 წლის პრეზიდენტობის კანდიდატმა. რუბიომ დასძინა, რომ ტრამპის წინააღმდეგ წაყენებული ბრალდებები "აბსურდია".
  • "აიღე პასუხისმგებლობა, აიღე პასუხისმგებლობა და წადი," — თქვა ნიუ-იორკელმა დემოკრატმა, ჯამაალ ბოუმენმა, როდესაც ჟურნალისტებმა ჰკითხეს, ჰქონდა თუ არა მას გზავნილი ტრამპისთვის.