ინფორმაციას სამართალდამცავი უწყება ავრცელებს.

რატომ არის მნიშვნელოვანი: პროკურატურის ცნობით, ბრალდებულმა თანამზრახველებთან ერთად თაღლითური საერთაშორისო საინვესტიციო პლატფორმა, ფორსაჟი, შექმნა, რომელიც სხვადასხვა ქვეყანაში ე.წ პირამიდის პრინციპით მოქმედებდა.

  • დამფუძნებლებმა, დაახლოებით, 340 მილიონი დოლარის კაპიტალიზაცია მოახდინეს, რომლის მნიშვნელოვან ნაწილსაც მაღალ პოზიციებზე მყოფი პირები დაეუფლნენ, შემდეგ კი პლატფორმა გააუქმეს.

დეტალები: დანაშაულის ერთ-ერთმა ორგანიზატორმა განსაკუთრებით დიდი ოდენობით თანხა საქართველოში შემოიტანა და სხვადასხვა საბანკო ანგარიშზე განათავსა.

  • ასევე, ძვირადღირებული უძრავ-მოძრავი ქონება შეიძინა, რითაც უკანონო და დაუსაბუთებელი შემოსავლის ლეგალიზაცია სცადა.
  • სასამართლოს განჩინების საფუძველზე, დაყადაღებულია ბრალდებულის საკუთრებაში არსებული, 2 მილიონ ლარზე მეტი ღირებულების, ვაკეში მდებარე საცხოვრებელი ბინები, 5 ავტოსადგომი და LEXUS მარკის ავტომანქანა.
  • ბრალდებულის მიმართ სამართლებრივი დევნა უკანონო შემოსავლის ლეგალიზაციის ფაქტზე დაიწყო, რაც 9-დან 12 წლამდე პატიმრობას ითვალისწინებს.