ამ წუთებში საპროტესტო აქცია იმართება პარლამენტის შენობასთან, გადაკეტილია რუსთაველის გამზირი.

რატომ არის მნიშვნელოვანი: შეკრებილი მოქალაქეები რუსულ კანონს აპროტესტებენ.

  • აქციაზე გამოჩნდა სპეციალური დანიშნულების რაზმი. ისინი მშვიდობიანი მომიტინგეების წინააღმდეგ სპეციალურ საშუალებებს, მათ შორის, სავარაუდოდ, წიწაკის სპრეისა და წყლის ჭავლს იყენებენ.

დეტალები: უწყება ამბობს, რომ საზოგადოებრივ წესრიგს იცავენ და აქციის უსაფრთხო გარემოში ჩატარებას უზრუნველყოფენ.

  • ისინი მოუწოდებენ აქციის მონაწილეებს, ორგანიზატორებსა და პოლიტიკურ ლიდერებს, არ გასცდნენ გამოხატვის თავისუფლებისა და მშვიდობიანი შეკრების კანონით დადგენილ ნორმებს.
  • "აქციის მიმდინარეობისას, სამართალდარღვევის ნებისმიერი ფაქტი პოლიციის მხრიდან, კანონის ფარგლებში, დაუყოვნებლივ იქნება აღკვეთილი", — ნათქვამია განცხადებაში.