გუშინ, ფეისბუკზე, ერთ-ერთმა მოქალაქემ ვიდეო გაავრცელა, რომელშიც ჩანს, რომ რუსთაველზე პატრულის ორ თანამშრომელს ძალის გამოყენებით უწევს მენაყინის დაკავება და მანქანაში მისი ჩასმა.

როგორც შსს-ში გვითხრეს, აღნიშნული პირი პოლიციამ მათთვის სიტყვიერი შეურაცხყოფის მიყენების გამო დააკავა:

"პოლიციელის შეურაცხყოფისთვის და წინააღმდეგობის გაწევისთვის დააკავეს აღნიშნული პირი. გამოძიება მიმდინარეობს ადმინისტრაციული სამართალდარღვევათა კოდექსის 173-ე მუხლით".

ვიდეოს პარალელურად გამოჩნდა კიდევ ერთი მომხმარებლის სტატუსი, სადაც ის ამბობს, რომ მას ქუჩაში უცხო პირი გინებით აედევნა და ის მისგან პატრულმა დაიცვა.

როგორც შსს-ში ამბობენ, აღნიშნული საქმე კავშირში არაა დაკავებულ მენაყინესთან:

"სხვა ამბავს იხსენებს და კავშირში არაა ამ პირთან".