საქართველოს მართლმადიდებელი ეკლესიის პატრიარქის, ილია მეორის დაცვის სამსახურის უფროსად ვანო კობაიძე დაინიშნა. ამის შესახებ On.ge-ს სახელმწიფო დაცვის სპეციალური სამსახურის წარმომადგენელმა, ნინო ბახსოლიანმა განუცხადა.

ბახსოლიანის თქმით, კობაიძე დღეიდან, 6 ივნისიდან შეუდგა მოვალეობის შესრულებას.

ილია მეორის დაცვის სამსახურის უფროსი ბოლო რამდენიმე თვის განმავლობაში უკვე მეორედ შეიცვალა. წლების განმავლობაში, აღნიშნულ თანამდებობას პატრიარქის სიძე, სოსო ოხანაშვილი ხელმძღვანელობდა, რომელმაც პოზიცია ციანიდის საქმის სკანდალის გამო დატოვა. რაც შეეხება ილია მეორის დაცვის სამსახურის კიდევ ერთ ყოფილ ხელმძღვანელს, ზურაბ ბუჩუკურს, რომელიც 30 მაისს გაათავისუფლეს, ბახსოლიანის ცნობით, ის პრეზიდენტის დაცვის სამსახურში აგრძელებს მუშაობას.