ამის შესახებ პარლამენტარი სოციალურ ქსელში წერს.

რატომ არის მნიშვნელოვანი: ენმ-ის წევრი, ანა წითლიძე ექსპრეზიდენტ მიხეილ სააკაშვილის საზღვარგარეთ გადაყვანის მოთხოვნით, 12 დღე შიმშილობდა.

  • ნაციონალური მოძრაობის დეპუტატებმა პროტესტის უკიდურეს ფორმას 15 დეკემბერს მიმართეს.
  • ჯანმრთელობის მდგომარეობის გაუარესების მიზეზით 18 დეკემბერს შიმშილობა აბდულ ისმაილოვმა, 24 დეკემბერს — დავით კირკიტაძემ და თემურ ჯანაშიამ, დღეს კი ანა წითლიძემ შეწყვიტა.

დეტალები: პარლამენტარის მონახულების შემდეგ, დღეს, ექიმმა თამარ სვანიძემ განაცხადა, რომ მისი მდგომარეობა განსაკუთრებით დამძიმდა.

  • წითლიძის განცხადებით, შიმშილობის პირველივე დღიდან მას არ ჰქონია მოლოდინი, რომ ხელისუფლება მოშიმშილეების მოთხოვნებს გაითვალისწინებდა.
  • "მე ერთადერთი რამის შემეშინდა მხოლოდ, ჩემი შიმშილობის ბოლო დღეებში რეალური საფრთხე დავინახე ჩემი მეგობრების მხრიდან, რომ შიმშილობის წრე შეიძლებოდა გაფართოებულიყო. მე არ მქონდა უფლება ჩემი მეგობრების ჯანმრთელობა საფრთხის ქვეშ დამეყენებინა", — განმარტა მან.
  • პარლამენტარის თქმით, მას რეაბილიტაციისთვის დრო არ დაჭირდება და "ბრძოლის წინა ხაზზე" იქნება.