ბოლო რამდენიმე დღის განმავლობაში, როგორც თბილისში, ისე მთელ საქართველოში, ცივი და წვიმიანი ამინდი იყო. რამდენიმე დღის განმავლობაში, დედაქალაქში ჩამობნელდა კიდეც (იხ. მიზეზი).

დღევანდელი წვიმის შემდეგ, თბილისში ცა მოწმენდილია, თუმცა მაისის ბოლო დღეებისთვის დამახასიათებელი სითბო ჯერ არ იგრძნობა.

როდის გამოიდარებს თბილისში და როგორი ამინდები გელით დედაქალაქის მაცხოვრებლებს მომავალი 7 დღის განმავლობაში - გთავაზობთ ამერიკული კომპანია AccuWeather-ის მიერ წარმოდგენილ ამინდის პროგნოზს.

ორშაბათი, 22 მაისი

AccuWeather-ის მიხედვით, ხვალ, 22 მაისს, თბილი და მზიანი ამინდია მოსალოდნელი. ჰაერი დღისით 23°-მდე გათბება. ღამით ჰაერის ტემპერატურა 11 გრადუსამდე დაეცემა.

სამშაბათი, 23 მაისი

23 მაისს, ღრუბლიანი ამინდია პროგნოზირებული. მოსალოდნელია წვიმა და ელვა. ჰაერი დღისით 21°-მდე გათბება. ღამით ჰაერის ტემპერატურა 12 გრადუსამდე დაეცემა.

ოთხშაბათი, 24 მაისი

წვიმიანი სამშაბათის მერე, ოთხშაბათს დილით მოსალოდნელია მცირე წვიმა, რომლის მერეც მზე გამოანათებს. ჰაერი 19 გრადუსამდე გათბება, ღამით ტემპერატურა 10 გრადუსამდე დაეცემა.

ხუთშაბათი, 25 მაისი

თბილი, უღრუბლო და მზიანი ამინდი იქნება ხუთშაბათს თბილისში. ჰაერის ტემპერატურა დღისით 21°-მდე გათბება, ღამით კი - 10 გრადუსამდე დაეცემა.

პარასკევი, 26 მაისი

პარასკევი თბილი იქნება, მოსალოდნელია მცირე წვიმა და ღრუბლები, თუმცა დღის განმავლობაში მზიანი ამინდი და სითბო შენარჩუნდება, ჰაერი დღისით 22°-მდე გათბება. ღამით კი - 12 გრადუსამდე დაეცემა.

შაბათი, 27 მაისი

შაბათ-კვირა მზიანი იქნება, თუმცა შაბათს მოსალოდნელია ღრუბლები და წვიმა. ჰაერის ტემპერატურა კვირის განმავლობაში ყველაზე მაღალს, 24 გრადუსს, მიაღწევს, ღამე კი - 14 გრადუსამდე დაეცემა.

კვირა, 28 მაისი

AccuWeather-ის მიხედვით, კვირას თბილი და მზიანი ამინდია მოსალოდნელი. ჰაერი დღისით 24°-მდე გათბება. ღამით კი - 14 გრადუსამდე დაეცემა.