განრიგის მიხედვით, მატარებელი თბილისში 23 საათსა და 18 წუთზე უნდა ყოფილიყო, თუმცა ამ დრომდე გზაშია.

რატომ არის მნიშვნელოვანი: მატარებელი, დაახლოებით, ყოველ 5 წუთში ჩერდება.

  • მგზავრები ინფორმაციის მიღებას საქართველოს რკინიგზის ცხელ ხაზზე ცდილობენ, თუმცა კონკრეტულ მიზეზს არ ეუბნებიან.

დეტალები: On.ge-ის ინფორმაციით, ამ დროისთვის მატარებელი ტყეშია გაჩერებული.

  • "შუქი ქრება, როცა ჩერდება. ბავშვები ტირიან. ვითხოვთ, რომ ავტობუსებით მაინც გადაგვიყვანონ, მაგრამ არანაირი რეაგირება არ არის არავის მხრიდან", — ამბობს ერთ-ერთი მგზავრი.
  • "ხარაგაულს ცოტა ხნის წინ გამოვცდით, როგორც ჩანს თბილისამდე სამი საათის გზა მაინც არის."
  • მგზავრების ინფორმაციით, მატარებელი დილიდან გაფუჭებულია, თუმცა მათთვის ეს ჩასხდომამდე არ უთქვამთ.
  • On.ge დეტალების გასარკვევად საქართველოს რკინიგზას დაუკავშირდა, სადაც მხოლოდ ის გვითხრეს, რომ მატარებელს ხარვეზი აქვს, გადატვირთვას აკეთებს და თბილისში დაგვიანებით იქნება.