ამის შესახებ ინფორმაცია უკრაინის პრეზიდენტმა Instagram-ზე გაავრცელა და დემნას მხარდაჭერისთვის მადლობა გადაუხადა.

რატომ არის მნიშვნელოვანი: UNITED24 ვოლოდიმირ ზელენსკის შექმნილი პლატფორმაა უკრაინის მხარდასაჭერად საქველმოქმედო შემოწირულობების შეგროვებისთვის.

  • შეგროვებული თანხა გადაირიცხება უკრაინის ეროვნული ბანკის ოფიციალურ ანგარიშებზე და ნაწილდება სამინისტროების მიერ ყველაზე აქტუალური საჭიროებების დასაფარად.

დეტალები: Balenciaga-მ უკრაინის მხარდასაჭერად სპეციალური მაისური შექმნა.

  • როგორც ზელენსკი წერს, მაისურების გაყიდვიდან მიღებული მოგების 100% "უკრაინის აღდგენის" მიმართულებით გადაირიცხება.

ფოტო: zelenskiy_official / Instagram