საფინანსო კომპანია - საქართველოსგან დაზარალებულების აქციაზე შინაგან საქმეთა სამინისტროს თანამშრომლებმა ოთხი პირი წვრილმანი ხულიგნობისა და დაუმორჩილებლობისთვის დააკავა. ამის შესახებ ინფორმაცია On.ge-ს შსს-ს პრესსამსახურიდან მიაწოდეს.

ფოტო: On.ge

ადმინისტრაციულ სამართალდარღვევათა კოდექსის 166-ე მუხლის (წვრილმანი ხულიგნობა) დარღვევისთვის დამტკიცების შემთხვევაში, გათვალისწინებულია ჯარიმა 100 ლარის ოდენობით ან, თუ საქმის გარემოებებისა და დამრღვევის პიროვნების გათვალისწინებით ამ ზომის გამოყენება არასაკმარისად იქნება მიჩნეული – ადმინისტრაციულ პატიმრობას 15 დღემდე ვადით. 173-ე მუხლის (სამართალდამცავი ორგანოს თანამშრომლის კანონიერი განკარგულებისადმი ან მოთხოვნისადმი დაუმორჩილებლობა) დარღვევისთვის კი, გათვალისწინებულია ჯარიმა 250 ლარიდან 2 000 ლარამდე ან ადმინისტრაციულ პატიმრობას 15 დღემდე ვადით.