The Wall Street Journal-ის ცნობით, ევროკავშირმა წარადგინა წინადადება, რომ ახალი სანქციები რუსეთის პრეზიდენტის, ვლადიმერ პუტინის შვილებს დაუწესონ. ამის შესახებ მედია დიპლომატებზე დაყრდნობით წერს. მათი ცნობით, პუტინის შვილების სანქცირებას გეგმავს აშშ-ც.

3 აპრილს, მას შემდეგ, რაც ოკუპანტებისგან გათავისუფლებული ბუჩადან ფოტო-ვიდეო მასალები გავრცელდა, ევროპული საბჭოს ლიდერმა, შარლ მიშელმა შეშფოთება გამოხატა და განაცხადა, რომ ევროკავშირი მალე ახალ სანქციებს დააწესებდა.

გუშინ, 5 აპრილს ევროკავშირმა სანქციების ახალი პაკეტი წარადგინა, რომელიც რუსეთიდან ქვანახშირის იმპორტის აკრძალვას, 4 ძირითად რუსულ ბანკთან ტრანზაქციების სრულ აკრძალვასა და სხვა შეზღუდვებს მოიცავს. როგორც ევროკომისიის პრეზიდენტმა, ურსულა ფონ დერ ლაიენმა ისაუბრა, ისინი დამატებითი სანქციების დაწესებაზე მუშაობენ.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში