კატასთან ერთად ცხოვრება ავტომატურად ნიშნავს იმ აზრთან შეგუებას, რომ მთელ სახლში და ტანსაცმელზეც ჩვენი ოთხფეხა მეგობრების ბეწვი დაგვხდება. კატის პატრონები ხალიჩას, ავეჯსა და სამოსს მუდმივად წმენდენ, თუმცა ამ პრობლემის მოგვარება მარტივი სულაც არაა.

ფოტო: MiniraDiary

ამ მხრივ გამონაკლისი არც ფისო, სახელად მინირა და მისი ოჯახია. თუმცა სხვა პატრონებისგან განსხვავებით მინირას პატრონმა გადაწყვიტა, სახლში დაყრილი ბეწვისგან ერთგული მეგობრისთვის მოდური ჩუსტები დაემზადებინა.

ფოტო: MiniraDiary

მინირა საჩუქრის დანიშნულებას ვერ მიხვდა, თუმცა პატრონმა ჩუსტები ჩააცვა და ფოტოებისთვის აპოზიორა. სულ მალე კი ფისომ მსოფლიოს გული მოიგო და ინტერნეტის ახალი ვარსკვლავი გახდა.

ფოტო: MiniraDiary