ნაციონალური მოძრაობის ლიდერის, ნიკა მელიას თქმით, შეიძლება საქართველოს მთავრობა არ იმსახურებს ლოალურ დამოკიდებულებას, თუმცა ქართველი ხალხი იმსახურებს და თხოვენ ევროპას, საქართველოს ევროკავშირის კანდიდატის სტატუსის მოთხოვნაზე განაცხადი მიიღონ.

"მინდა მივმართო დასავლურ სამყაროს, რომ ჩვენ ვეთანხმებით პრეზიდენტს ზელენსკის, და დიახ, ჩვენ შეიძლება არ გვყავს ღირსეული მთავრობა, მაგრამ ვართ ღირსეული, მებრძოლი ერი. შეიძლება ჩვენი მთავრობა არ იმსახურებს თქვენს ლოალურ დამოკიდებულებას, მაგრამ ჩვენ, ქართველი ხალხი ვიმსახურებთ ამას. ამიტომ, ვთხოვთ სრულიად ევროპას, მიიღოთ ეს განაცხადი. საქართველოს ადგილი ევროპაშია. საქართველოს ადგილი ევროპაშია, მაგრამ საქართველოს ადგილი არ არის ხელისუფლებაში", — თქვა მან ბრიფინგზე.

საქართველო ევროკავშირის წევრობის კანდიდატის სტატუსის მისაღებად განაცხადს ხვალ წარადგენს. ამის შესახებ მმართველი გუნდის თავმჯდომარემ, ირაკლი კობახიძემ საგანგებო ბრიფინგზე თქვა და აღნიშნა, რომ განაცხადი უკვე მზადდება.