მსოფლიოს ყველაზე ასაკოვანი ადამიანი, ემა მორანო 117 წლის ასაკში დღეს გარდაიცვალა. მორანო იტალიაში, საკუთარ სახლში გარდაიცვალა. ამის შესახებ ინფორმაცია ტვიტერზე The Associated Press პირად ექიმზე დაყრდნობით წერს.

ემა მორანო 1899 წლის 29 ნოემბერს დაიბადა. დღეს ის 117 წლისა და 137 დღის გახდა. დღევანდელი მდგომარეობით, ის ყველაზე ასაკოვანი ადამიანი იყო მათ შორის, ვინც ცოცხალი იყო და ვისი ასაკიც დამოწმებულია. ვიკიპედიის ინფორმაციით, ყველაზე ასაკოვანი ადამინი მსოფლიოში ჯინ კალმენტი იყო, რომელიც 1997 წლის 4 აგვისტოს გარდაიცვალა. კალმენტი 122 წლისა და 164 დღის იყო.