აშშ-ის ჯარმა ავღანეთში უზარმაზარი ბომბი ჩამოაგდო. ამის შესახებ ინფორმაციას CNN აშშ-ის ოფიციალურ წარმომადგენლებზე დაყრდნობით ავრცელებს.

GBU-43/B მასიური საჰაერო ბომბი (MOAB) ადგილობრივი დროით ხუთშაბათს, 7 საათზე ჩამოაგდეს.

MOAB ცნობილია როგორც "ყველა ბომბის დედა". ის 9,7 ათას კილოგრამზე მეტს იწონის და ამერიკის ყველაზე მძლავრი არაატომური ბომბია.

ოფიციალური ინფორმაციით, ბომბი განკუთვნილი იყო ISIS-ის წევრებისა და გვირაბებისთვის. ეს არის MOAB-ის ბრძოლის ველზე გამოყენების პირველი შემთხვევა.