საპარლამენტო უმცირესობის, ევროუპლი საქართველოს ლიდერი, ოთო კახიძე ინტერნეტით გამოწერილ ნივთებზე გადასახადს დაქვემდებარებული ზღვარის 300-დან 500 ლარამდე გაზრდას ითხოვს. ამის შესახებ ინფორმაცია კახიძემ ფეისბუკში გამოაქვეყნა.

"დასაბუთება მარტივია - მაშინ, როცა დადგინდა 300 ლარი, იგი უდრიდა 200 დოლარს. ლარის გაუფასურების გამო, 200 დოლარი დღეს უდრის 500 ლარს," - წერს კახიძე.

როგორც კახიძე წერს, მან ინიციატივა საფინანსო-საბიუჯეტო კომიტეტს წარუდგინა, თუმცა, საპარლამენტო უმრავლესობამ ინიციატივა ჩააგდო. On.ge საპარლამენტო უმრავლესობისგან ამ საკითხზე კომენტარს ელოდება.