დასუფთავების მოსაკრებელი იზრდება იმ სუბიექტებისთვის, რომლებიც მომგებიან საქმიანობას ეწევიან — ამის შესახებ დედაქალაქის ვიცე-მერმა, ირაკლი ხმალაძემ განაცხადა.

მისი თქმით, ამავდროულად კვების ობიექტებისთვის და სასტუმროებისთვის შემოდის ერთჯერადი, ერთწლიანი 1 000-ლარიანი ვაუჩერი, რომლითაც ეს სუბიექტები 1 იანვრიდან ერთი წლის მანძილზე ისარგებლებენ.

ახალი დადგენილებით ბიზნესისთვის დასუფთავების მოსაკერბელი ასე განისაზღვრება:

• მუზეუმები, ბიბლიოთეკები, გალერიები, არქივები (საერთო ფართის 1 მ2) — 0,027 ლარიდან ძვირდება 0,05 ლარამდე;
• ოფისები, სააგენტოები, პროფესიული და სახელმწიფო ორგანიზაციები, სახელმწიფო დაწესებულებები, ბანკები, საკრედიტო და საფინანსო ორგანიზაციები (საერთო ფართის 1 მ2) — 0,1 ლარიდან 0,191 ლარამდე;
• კინოთეატრები და თეატრები, საკონცერტო დარბაზები (მაყურებლის ერთი სავარძელი) — 0,41 ლარიდან 0,77 ლარამდე;
• მოხუცებულთა და ბავშვთა სახლები (თავშესაფარი), უმწეოთათვის უფასო სასადილოები (მომსახურების ერთეული ადგილი) — 0,16 ლარიდან 0,3 ლარამდე;
• სკოლები, ინსტიტუტები, კოლეჯები, საბავშვო ბაგა-ბაღები, საგანმანათლებლო დაწესებულებები (ინფრასტრუქტურის ფართზე მოსაკრებელი არ დაერიცხება) (ერთ მოსწავლეზე) — 0,25 ლარიდან 0,45 ლარამდე;
• სასტუმროები და სასტუმროს ტიპის საერთო საცხოვრებლები (მომსახურების ერთეული) — 2,15 ლარიდან 4 ლარამდე;
• საავადმყოფოები და სამშობიარო სახლები (მომსახურების ერთეული) — 1,45 ლარიდან 2,732 ლარამდე;
• პოლიკლინიკები, სამედიცინო დიაგნოსტიკური ცენტრები, ექიმების, სტომატოლოგიური და სამედიცინო კაბინეტები (საერთო ფართის 1 მ2) — 0,2 ლარიდან 0,366 ლარამდე;
• სტადიონები, სპორტულ-გამაჯანსაღებელი დაწესებულებები და მანეჟები, საჯინიბოები, კორტები (სატურნირო და სავარჯიშო მოედნების გარდა) (ღია ფართის 1 მ2) — 0,025 ლარიდან 0,047 ლარამდე); (დახურული ფართის 1 მ2) — 0,1 ლარიდან 0,19 ლარამდე;
• სასურსათო საქონლის მაღაზიები (სავაჭრო დარბაზი) (სამუშაო ფართის 1 მ2) — 0,95 ლარიდან 1,787 ლარამდე;
• სამრეწველო საქონლის მაღაზიები, აფთიაქები, ბირჟები, საიუველირო, ანტიკვარიატის მაღაზიები, ზოომაღაზიები (სავაჭრო დარბაზი), ვეტერინარული ცენტრები (სამუშაო ფართის 1 მ2) — 0,31 ლარიდან 0,6 ლარამდე;
• აგრარული ბაზრები, ყვავილების ღია და დახურული მაღაზიები (სამუშაო ფართის 1 მ2) — 0,37 ლარიდან 0,697 ლარამდე;
• შერეული საქონლის ბაზრობები (მათ შორის შინაურ ცხოველთა და ფრინველთა ბაზრობები) და საბითუმო ვაჭრობის საწყობები და მაცივრები (სამუშაო ფართის 1 მ2) — 0,26 ლარიდან 0,477 ლარამდე;
• ავტოგასამართი სადგურები (საერთო ფართის 1 მ2) — 0,1 ლარიდან 0,19 ლარამდე;
• აბანოები, საუნები და საცურაო აუზები (საერთო ფართის 1 მ2) — 0,22 ლარიდან 0,426 ლარამდე;
• სადალაქოები, სილამაზის სალონები და კოსმეტოლოგიის და ესთეტიკის ცენტრები (საერთო ფართის 1 მ2) — 0,43 ლარიდან 0,828 ლარამდე;
• მცირე სამეწარმეო საქმიანობა შენობის შიგნით მიმდინარე წარმოებისას საყოფაცხოვრებო მომსახურების ობიექტები (საერთო ფართის 1 მ2) — 0,31 ლარიდან 0,595 ლარამდე;
• რესტორნები, პიცერიები, სასადილოები, /გარდა უმწეოთათვის უფასო სასადილოებისა/ კაფეები და ბარები (ერთ დასაჯდომ ადგილზე) — 3 ლარიდან 5,6 ლარამდე;
• საბანკეტო დარბაზები, სარიტუალო მომსახურებისათვის (ერთ დასაჯდომ ადგილზე) — 1,2 ლარიდან 2,26 ლარამდე;
• საცხობები, საოჯახო სამზარეულოები (დასაჯდომი ადგილების გარეშე) (სამუშაო ფართის 1 მ2) — 0,32 ლარიდან 0,6 ლარამდე;
• დისკოთეკები, ღამის კლუბები, კაზინოები, ტოტალიზატორები, სათამაშო და გასართობი ცენტრები (საერთო ფართის 1 მ2) — 0,45 ლარიდან 0,843 ლარამდე;
• ღია ტიპის დასვენებისა და გასართობი თავშეყრის ადგილები, სკვერები, ბაღები, ატრაქციონები, მდინარეებზე, ტბებზე და ე.წ თბილისის ზღვაზე არსებული ფასიანი სანაპირო ზოლები (საერთო ფართის 1 მ2) — 0,001 ლარიდან 0,019 ლარამდე;
• საწარმოო ობიექტების ღია ტერიტორიები, სადაც მიმდინარეობს საწარმოო პროცესი (საერთო ფართის 1 მ2) — 0,01 ლარიდან 0,018 ლარამდე;
• სერიული პროდუქციის საწარმოების შენობა-ნაგებობები (საწარმოო ნარჩენების გარდა) (საერთო ფართის 1 მ2) — 0,05 ლარიდან 0,094 ლარამდე;

დადგენილება, რომელიც სატარიფო ცვლილებას გულისხმობს ძალაში 2022 წლის პირველი იანვრიდან უნდა შევიდეს.