1997 წელს ეკრანზე DC-ის კომიქსების მიხედვით გადაღებული ახალი ფილმი ბეტმენი და რობინი გამოვიდა, რომელშიც მთავარ როლებს ჯორჯ კლუნი, არნოლდ შვარცენეგერი და უმა თურმანი ასრულებდნენ.

როგორც თავის დროზე სხვადასხვა ტაბლოიდები წერდნენ, მოგვიანებით კი ჯორჯ კლუნიმაც დაადასტურა, მას ფილმში უმა თურმანის პერსონაჟის როლზე ჯულია რობერტსის დამტკიცება სურდა, თუმცა ჯულიამ ფილმში მონაწილეობაზე უარი თქვა, რადგან სწორედ ამ პერიოდში ჰქონდა მუშაობა დასრულებული ვუდი ალენის ფილმზე Everyone Says I Love You და მუშაობას იწყებდა ფილმზე My Best Friend's Wedding.

მოგვიანებით პროდიუსერებმა როლი შერონ სტოუნსა და დემი მურს შესთავაზეს, მაგრამ როგორც დემი მურმა წლების შემდეგ აღარა, ფილმში საკუთარი თავი ვერ დაინახა.

რაც შეეხება უმა თურმანს, მსახიობი ამბობს, რომ მას ჯორჯ კლუნისთან და არნოლდ შვარცენეგერთან ერთად სურდა მუშაობა, სწორედ ამიტომ დასთანხმდა ფილმში თამაშს.

"წლების შემდეგ, ძალიან გამიხარდება როცა ვიტყვი, რომ კლუნი და არნოლდი ჩემი პარტნიორები იყვნენ. ნიჭიერი და სექსუალური მამაკაცები, რომლებიც კინოს ისტორიაში დარჩებიან. კინოს ისტორიას დარჩება ეს ფილმიც. მართალია ის წლის ყველაზე ცუდ ფილმად აღიარეს, მაგრამ ყველაზე მთავარი მოგონებებია, რომელიც ამ ფილმთან მაკავშირებს", - ამბობდა უმა თურმანი.

ფილმის ნახვა კვირას, 9 აპრილს ტელეკომპანია GDS-ზე 22:05 საათზე შეგიძლიათ.