საქართველოს მართლმადიდებლური ეკლესიის საპატრიარქოში დეკანოზ გიორგი მამალაძის შიმშილობის არ სჯერათ და ფიქრობენ, რომ შესაძლოა, დაკავებულმა მარხვა გააძლიერა. ამის შესახებ ინფორმაციას საზოგადოებრივი მაუწყებლის აჭარის ტელევიზია და რადიო აქვეყნებს.

"არამგონია, რომ დეკანოზის შიმშილის ამბავი ზუსტი იყოს, სასულიერო პირი არის განსაცდელში და არამგონია შიმშილობდეს. შეიძლება მან მარხვა გააძლიერა და ციხის ადმინისტრაციას გონია, რომ შიმშილობს" - განუცხადა აჭარის საზოგადოებრივ მაუწყებელს საპატრიარქოს პენიტენციურ სისტემასთან ურთიერთობის განყოფილების ხელმძღვანელმა, გიორგი თევდორაშვილმა, რომელმაც აღნიშნა, რომ დეკანოზ მამალაძეს აღდგომის დღესასწაულამდე მოინახულებენ.

სასჯელაღსრულებისა, პრობაციისა და სასჯელაღსრულების სამინისტროში აჭარის ტელევიზიას განუცხადეს, რომ დეკანოზი გიორგი მამალაძე მესამე დღეა შიმშილობს.

გიორგი მამალაძე 2017 წლის 10 თებერვალს, მკვლელობის მომზადების ბრალდებით, თბილისის საერთაშორისო აეროპორტში დააკავეს. ის დანაშაულს არ აღიარებს.