კულტურის მინისტრმა, თეა წულუკიანმა TV პირველის ჟურნალისტის შეურაცხყოფა სცადა, მას შემდეგ რაც ჟურნალისტმა ჰკითხა, თუ რატომ არ შეუშვეს კრტიკული მედია მის ბრიფინგზე.

"თქვენ ხართ კრიტიკული მედია? თქვენ ხართ აღვირახსნილები", — უთხრა წულუკიანმა მას.

დღეს, 8 დეკემბერს TV პირველის გადამღები ჯგუფი კულტურის, სპორტისა და ახალგაზრდობის სამინისტროში, თეა წულუკიანის ბრიფინგზე არ შეუშვეს. მაშინ როცა მედიების ნაწილი უკვე ესწრებოდა ბრიფინგს.

აღსანიშნავია, რომ თეა წულუკიანის მიერ გამართულ ბრიფინგებზე მედიების ნაწილის აქამდეც არ უშვებდნენ. მაგალითად, 22 ნოემბერს ღონისძიებაზე არ შეუშვეს როგორც TV პირველის, ისე მთავარი არხის გადამღები ჯგუფი.