ვენეციის კომისიის დელეგაციასთან შეხვედრის შემდეგ, საქართველოს პარლამენტის თავმჯდომარის პირველმა მოადგილემ და სახელმწიფო საკონსტიტუციო კომისიის მდივანმა, თამარ ჩუგოშვილმა შეხვედრის დეტალებზე ისაუბრა რა განაცხადა, რომ დელეგატები საკონსტიტუციო კომისიის შემუშავებულ პროექტს "პოზიტიურად შეხვდნენ"

„მოხდა იმ პროექტის დეტალური განხილვა, რომელიც ამ ეტაპზე არის შემუშავებული სახელმწიფო საკონსტიტუციო კომისიის მიერ. ჯერჯერობით ძალიან ადრეა იმისთვის, რომ რეკომენდაციები მოვისმინოთ. ძირითადად, ძალიან პოზიტიურად იქნა მიღებული ახალი პროექტი. არის გარკვეული საკითხები, რომელზეც ამ შეხვედრების მერე, რომელსაც გამართავენ დღის განმავლობაში ალბათ, სავარაუდოდ, მოგვიანებით გაგვაცნობენ თავიანთ მოსაზრებებს. ჯერჯერობით წარიმართა ძალიან საინტერესო, ძალიან პოზიტიური შეხვედრა და ძალიან პოზიტიურად იქნა მიღებული ის ახალი პროექტი, რომელიც ამ ეტაპზე აქვს კომისიას შემუშავებული. არასწორად იყო მათთვის მიწოდებული ინფორმაცია პრეზიდენტის ფუნქციების შეკვეცასთან დაკავშირებით და ჩვენ გავნუმარტეთ და ვაჩვენეთ, როგორ ხდება რეგულირება და სრულიად მოიხსნა კითხვები, რაც არსებობდა. ასევე, ადამიანის უფლებების თავთან დაკავშირებული ცვლილებები და თითქმის ყველა საკითხი, რომელზეც კითხვა დაისვა. არ გამოუხატავთ არანაირი შენიშვნა და წუხილი არჩევის წესთან დაკავშირებით“.

ვენეციის კომისიის დელეგაცია საქართველოს დღეს ეწვია, ისინი საქართველოს კონსტიტუციაში შესატან ცვლილებებს სწავლობენ. დელეგაციის წევრები უკვე შეხვდნენ პარლამენტის თავჯდომარეს ირაკლი კობახიძეს და მის ვიცე-სპიკერებს.