საქართველოში ამერიკის შეერთებული შტატების ყოფილი ელჩი იან კელი აცხადებს, რომ ძალაუფლების გარეშე დარჩენილი პარტიების პრიორიტეტი ყოველთვის შემდეგ არჩევნებში გამარჯვება უნდა იყოს.

"ძალაუფლების გარეშე დარჩენილი პარტიების პრიორიტეტი ყოველთვის შემდეგ არჩევნებში გამარჯვება უნდა იყოს და არა, უბრალოდ, წარსულზე დავა", — წერს ის ტვიტერზე.

კელიმ აღნიშნული განცხადებით პარტია საქართველოსთვის წევრის, ნათია მეზვრიშვილის ტვიტი გადააზიარა, სადაც მეზვრიშვილი საქართველოში ბოლო დროს შექმნილ პოლიტიკურ სიტუაციას განიხილავს.

ექსპრეზიდენტმა, მიხეილ სააკაშვილმა ოპოზიციას პარლამენტის დატოვებისკენ მოუწოდა. მისი თქმით, პარლამენტმა უკვე დაკარგა სახელისუფლებო პლატფორმის ფუნქცია და იქ ვერანაირ გადაწყვეტილებას ვეღარ მიიღებენ.

31 ოქტომბერს ოპოზიციამ რუსთაველის გამზირზე აქცია გამართა. ნაციონალური მოძრაობის თავმჯდომარემ, ნიკა მელიამ პარლამენტთან შეკრებილებს სამოქმედო გეგმა გააცნო. მელიას თქმით, უკან დახევას არ აპირებენ და აქციას გამართავენ ბათუმში, შემდეგ ქუთაისში და სხვა ქალაქებში, ბოლოს 6 ნოემბერს აქცია თბილისში გაიმართება.

გაიგე მეტი: