კულტურის მინისტრი, თეა წულუკიანი ამბობს, რომ ხელისუფლებას არანაირი სურვილი არ აქვს, ექსპრეზიდენტი, მიხეილ სააკაშვილი უკრაინას გადასცეს. მისი განმარტებით, ექსტრადიციაზე საუბარი სამართლებრივი უაზრობა და ნონსენსია, რადგან სააკაშვილი უკრაინაში სისხლის სამართლებრივ პასუხისგებაში მიცემული არ არის, ამიტომ ექსპრეზიდენტი სასჯელს "ქართულ მიწაზე" მოიხდის.

"სამართლებრივ ტერმინებს ნუ აურევთ, ექსტრადიციაზე საუბარი ვერ იქნება საუბარი უკრაიანაში, გარდა იმ შემთხვევისა თუ იქ იციან ისეთი რამ, რაც ჩვენ არ ვიცით. ექსდრადაცია უკრაიანაში, აქედან იქით ხდება მხოლოდ მაშინ, როდესაც იმ ქვეყანაში მოთხოვნილი პირი არის სისხლის სამართლის პასუხისგებაში მიცემული. მე არ მგონია, არ ვიცი ყოველ შემთხვევაში, უკრაინაში სააკაშვილი იყოს სისხლის სამართლის პასუხისგებაში მიცემული პირი, ამიტომ, საუბარი ექსდრადიციაზე არის სამართლებრივი უაზრობა ანუ, ნონსენსი.

საუბარია იმაზე, რომ ჩვენ სააკაშვილი გადავცეთ უკრაიანას, რომ საქართველოს სასამათლოს მიერ მისჯილი სასჯელი მოიხადოს უკრაინაში , ამის არავითარი სურვილი ჩვენ არ გაგვაჩნია. არ არსებობს ამის არავითარი სამართლებრივი მიზანშეწონილობა და შესაბამისად, ის ქართული სასჯელი ანუ ჩვენივე სუვერენული ქვეყნის სასამართლოს მიერ სასჯელელები, რაც მას აქვს მისჯილი და ზოგიერთ საქმეზე ბრალდებულია, იცით და მომავალში ან გამართლდება ან გამტყუნდება, ყველა ეს განაჩენი, ქართული განაჩენი აღსრულდება ქართულ მიწაზე, ანუ ქართულ ციხეში", — აცხადებს წულუკიანი.

ამასთან, წულუკიანი აღნიშნავს, რომ უკვრის თუ რატომ სურს სააკაშვილს კიევში ექსტრადირება, მაშინ როდესაც მოწოდებულია იმისთვის, რომ იდეალებს თავი შესწიროს. მისი თქმით, "ის უნდა იყოს ჩვენთან ერთდ და იბრძოლოს გამარჯვებისთვის".

27 სექტემბერს ექსპრეზიდენტმა სააკაშვილმა ფეისბუქზე გამოაქვეყნა ბილეთების ფოტო, რომლის მიხედვითაც ქვეყანაში 2 ოქტომბერს, ხმის მიცემის პროცედურის დასრულების შემდეგ უნდა დაბრუნებულიყო. მმართველ გუნდში ამბობდნენ, რომ ის სიტყვას ისევ უღალატებდა და ჩამოსვლას ვერ გაბედავდა, მაგრამ თუ მაინც გაბედავდა, აეროპორტშივე დააკავებდნენ. თუმცა, არჩევნების წინა დღეს, პირველ ოქტომბერს, სააკაშვილმა დაპოსტა, რომ საქართველოში იმყოფებოდა. რამდენიმე საათში მან ორი ვიდეოც გაავრცელა, რომელშიც ამბობდა, რომ ბათუმშია და აქტიურად აპირებს ბრძოლას.

სანამ სააკაშვილი მხარდამჭერებს მობილიზაციისკენ მოუწოდებდა, ქართულ ოცნებაში ამტკიცებდნენ, რომ ის არათუ ქვეყანაში შემოვიდა, უკრაინაში იყო. იმავეს ამბობდა შინაგან საქმეთა სამინისტროც და ამტკიცებდა, რომ მას არც უკრაინის და არც საქართველოს საზღვრები არ გადაუკვეთავს. ამ განცხადებებიდან რამდენიმე საათში პრემიერმინისტრმა, ირაკლი ღარიბაშვილმა შინაგან საქმეთა მინისტრთან და სახელმწიფო უსაფრთხოების სამსახურის ხელმძღვანელთან ერთად ბრიფინგი გამართა, სადაც თქვა, რომ სააკაშვილი დაკავებულია და პენიტენციურ დაწესებულებაში გადაიყვანეს. მოგვიანებით, იმედის ეთერში პრემიერმინისტრი ამტკიცებდა, რომ ყველაფერი წინასწარ იცოდნენ და "ოპერატიული ტაქტიკის" გამო უწევდათ საპირისპირო განცხადებების გაკეთება.

გაიგე მეტი: