აშშ-ს სახლმწიფო დეპარტამენტი საქართველოს დამოუკიდებლობის 25 წლისთავს ულოცავს. ამის შესახებ განცხადებას პრეზიდენტ ობამასა და ამერიკელი ხალხის სახელით სახელმწიფო მდივანი ჯონ კერი ავრცელებს:

"პრეზიდენტ ობამასა და ამერიკელი ხალხის სახელით, ვულოცავთ საქართველოს მოქალაქეებს დამოუკიდებლობის 25 წლისთავს.

26 მაისს, ჩვენ საქართველოსა და შეერთებული შტატების პარტნიორობის მეოთხედ საუკუნეს აღვნიშნავთ.

ჩვენ საქართველოს ვუყურებთ როგორც დემოკრატიული პროგრესის თვალსაჩინო მაგალითს რეგიონში - ეს მიღწევა განსაკუთრებით აღსანიშნავია იმის ფონზე, როცა ქვეყნის ტერიტორიის 20% ოკუპირებულია.

შეერთებული შტატები ერთმნიშვნელოვნად უჭერს მხარს, როგორც საქართველოს სუვერენიტეტსა და ტერიტორიულ მთლიანობას საერთაშორისოდ აღიარებულ საზღვრებში, ისე მის სწრაფვას ევრო-ატლანტიკურ ინსტიტუტებში.

ჩვენ ვაფასებთ საქართველოს პარტნიორობასა და თავდადებას ავღანეთში. ვულოცავთ ქართველ ხალხს ამ საამაყო დღეს და მოუთმენლად ველით ჩვენი პარტნიორობის გაღრმავებას უსაფრთხო, დემოკრატიულ და დამოუკიდებელ საქართველოსთან ერთად".