თბილისის მერობის კანდიდატი, ნიკა მელია დარწმუნებულია, რომ პირველივე ტურში საუკეთესო შედეგს აჩვენებს. ის ამბობს, რომ მეორე ადგილისთვის ბრძოლა ქართული ოცნების კანდიდატ კახა კალაძესა და პარტია საქართველოსთვის კანდიდატს, გიორგი გახარიას შორის იქნება.

"გულახდილად ახლა, არანაირად არ ვთვალთმაქცობ, გამიჭირდება იმის თქმა მეორე ადგილზე იქნება ბატონი კალაძე თუ ბატონი გახარია. ერთი რამ, რაც ძალიან საწყენია, გუშინდელი მეგობრები, გუშინწინდელი თანამებრძოლები ერთმანეთს არ ინდობენ. ყოველ შემთხვევაში ერთი მხარე, ნამდვილად ყოველგვარ ზღვარს ცდება", — თქვა ნიკა მელიამ.

ის ამბობს, რომ "არ უნდა ხელების ფათური" კალაძესა და გახარიას ურთიერთობაში, თუმცა აღნიშნავს, რომ უხერხულია, როდესაც "გუშინდელი მეგობრები" ახლა ერთმანეთს თავს ესხმიან.

გუშინ, 1-ელ სექტემბერს, ყოფილმა პრემიერმინისტრმა გიორგი გახარიამ საკუთარი თავი თბილისის მერობის კანდიდატად წარადგინა. ამის შემდეგ, ქართული ოცნების ლიდერებმა თქვეს, რომ გახარიას კალაძესთან კომუნიკაციის რამდენიმე მცდელობა ჰქონდა და საბოლოოდ, შეხვედრა პირველ სექტემბერს, თბილისის მერიაში შედგა. მეტიც, ირაკლი კობახიძე და მამუკა მდინარაძე საუბრობენ იმაზე, თითქოს გახარია მზად იყო, ქართული ოცნების მხრიდან ფინანსური დახმარების სანაცვლოდ საკუთარი კანდიდატურა არ დაეყენებინა. ამ თემაზე საუბარი არ ისურვა კალაძემ.

მერობის კანდიდატების შეხვედრას ადასტურებს კახა კალაძე, გახარია კი უარყოფს.

გაიგე მეტი: