პოლიციამ დააკავა კაცი, რომელიც უკრაინის მთავრობის შენობაში ხელყუმბარით შეიჭრა და მისი აფეთქებით იმუქრებოდა. უკრაინული მედია პოლიციის წყაროებზე დაყრდნობით წერს, რომ ხელყუმბარა საბრძოლო იყო. მომხდარზე პირველი სასამართლო სხდომა ხვალ უნდა გაიმართოს.

დღეს, 4 აგვისტოს დილით მოქალაქე მინისტრთა კაბინეტის შენობაში ხელყუმბარით შეიარაღებული შევიდა. სოციალურ ქსელში გამოქვეყნებულ ვიდეოზე ჩანდა, რომ მოქალაქემ ყუმბარის დემონსტრირება მოახდინა და მისი აფეთქებით იმუქრებოდა.

ამის შემდეგ პოლიციამ კვარტალი გადაკეტა და სპეციალური ოპერაცია დაიწყო. სამართალდამრღვევთან მოლაპარაკებაზე პოლიციას ერთ საათზე მეტი დასჭირდა.

მედიის ცნობით, კაცი, რომელმაც მთავრობის კაბინეტში შეიჭრა ყოფილი სამხედრო, ვლადიმირ პროხნიჩია.