პარტია საქართველოსთვის პოლიტსაბჭოს წევრი, ანა ბუჩუკური აცხადებს, რომ ვერ გაიზიარებს სხვა ოპოზიციური პარტიების სიხარულს შესაძლო ფინანსურ სანქციებთან დაკავშირებით. მიზეზად ბუჩუკური ასახელებს იმას, რომ ეს დააზიანებს არა მხოლოდ ხელისუფლებას, არამედ მთლიანად სახელმწიფოს.

"ამერიკის შეერთებული შტატების სახელმწიფო დეპარტამენტის და ევროკომისიის განცხადებებში უკვე საუბარია კონკრეტული ფინანსური ბერკეტების/მექანიზმების შესაძლო ამოქმედებაზე. ჩვენ კარგად გვესმის, რომ თუ პროცესები ამ მიმართულებით განვითარდა, ეს დააზიანებს არა მხოლოდ ხელისუფლებას, არამედ მთლიანად სახელმწიფოს. ამიტომ, ვერ გავიზიარებთ იმ სიხარულს და აღტკინებას, რასაც ხშირად ოპოზიციური სპექტრის მხრიდან სანქციების შესაძლო დაწესებასთან, ან ფინანსური ტრანშების შესაძლო შეჩერებასთან დაკავშირებით ვხედავთ", — განაცხადა ანა ბუჩუკურმა.

ანა ბუჩუკური ერთ-ერთია იმ დეპუტატებს შორის, რომლებმაც ქართული ოცნება დატოვეს და ექსპრემიერ გიორგი გახარიას გუნდს შეუერთდნენ.

გაიგე მეტი: