რუსთავი 2-ის ინფორმაციით, ზუგდიდში, ნაცუტუს უბანზე ხმების ხელახალმა დათვლამ აჩვენა, რომ არჩევნებში გამარჯვებული ერთიანი ნაციონალური მოძრაობაა.

რაც შეეხება კორცხელის უბანს, იქ ხმების დათვლის პროცესი გრძელდება და შედეგები სულ მალე გახდება ცნობილი.

საოლქო საარჩევნო კომისიის გადაწყვეტილებით, კორცხელის 53-ე და 54-ე ზუგდიდის 2 საარჩევნო უბანზე ხმების ხელახლა დათვლა დაახლოებით 1 საათის წინ დაიწყო.

ქართული ოცნების წევრები მიჩნევენ, რომ კორცხელში, შუალედურ არჩევნებში, მათ გაიმარჯვეს და სურთ, რომ ხმები თავიდან დაითვალონ. ისინი ამბობენ, რომ საარჩევნო უბნის მიმდებარედ ფიზიკური დაპირისპირების გამო კომისიის წევრებმა ხმები არასწორად დაითვალეს.

გუშინ, 22 მაისს, ზუგდიდში, კორცხელის საარჩევნო უბანზე, სადაც შუალედური ადგილობრივი თვითმმართველობის არჩევნები მიმდინარეობდა, ნაციონალური მოძრაობის წევრებს, მათ შორის გიგა ბოკერიასა და ნიკა მელიას, ფიზიკური შეურაცხყოფა მიაყენეს.