მატროსოვის ციხიდან გამოსული პროკურორის, ჯარჯი წიკლაურის, თქმით, ე.წ. ციანიდის საქმეზე დაკავებულმა გიორგი მამალაძემ ჩვენების მიცემაზე უარი განაცხადა, თუმცა ის თავს კარგად გრძნობდა.

როგორც წიკლაურმა ჟურნალისტებს უთხრა, დეკანოზმა სამართალდამცავები დაწყევლა:

"იმის მაგივრად, რომ ბრალდებულს გაეცა ჩვენს კითხვებზე ამომწურავი პასუხები, მისგან, მისი მისი ადვოკატების მეშვეობით, და მოგვიანებით პირადადაც შემოგვითვალა წყევლა, ზოგადად სამართალდამცავ ორგანოებს. ის პასუხს ვერ სცემს ვერცერთ ჩვენს კრიტიკულ შეკითხვას, ჩვენ მეტზე არაფერზე ვფიქრობთ".

მისი თქმით, დღეს ნათლად დადასტურდა, რომ დაცვის მხარე ცრუობს, როცა ამბობს, რომ პროცესს პროკურატურა აჭიანურებს.

დეკანოზი მამალაძე მისი და მისი ოჯახის წევრების უსაფრთხოების დაცვას ითხოვს, პროკურატურასთან თანამშრომლობის სანაცვლოდ.

ბრალდებულის დაკითხვა გუშინაც გადაიდო, სავარაუდოდმისი ჯანმრთელობის მდგომარეობის გამო.