სტრატეგია აღმაშენებლის ლიდერის, გიორგი ვაშაძის თქმით, ნაციონალური მოძრაობის თავმჯდომარე, ნიკა მელია თბილისის მერობის არჩევნებზე გაერთიანებული ოპოზიციის კანდიდატი ვერ იქნება.

"ის ვერ იქნება გაერთიანებული ოპოზიციის კანდიდატი, ის არის "ნაციონალური მოძრაობის" კანდიდატი. ამიტომ დიდი ალბათობით, გადაწყვეტილად შემიძლია ვთქვა, რომ ჩვენ ვერ დავუჭერთ მხარს და მე შევეცდები, რომ სხვაგან ვეძიო კანდიდატები, რომელიც საინტერესო იქნება თბილისისთვის. აქ პირდაპირ გეტყვით, რომ ჩემზე არაა საუბარი, ყველაზე ნაკლებად ჩემზე ვფიქრობ. მე უფრო მინდა ვითამაშო როლი, რომ გადავწიო ჩემი პერსონალური ამბიცია", — განაცხადა ვაშაძემ ღამის კურიერში.