მითების დეტექტორის ინფორმაციით, გიორგი გახარიას გადადგომის შემდეგ სოციალურ ქსელში ყოფილი პრემიერმინისტრის მხარდამჭერი რამდენიმე ფეისბუქ ანგარიში, საჯარო ჯგუფი და გვერდი გაჩნდა, ასევე, რამდენიმემ სახელი შეიცვალა და გახარიას მხარდამჭერ გვერდებად გადაიქცა.

2021 წლის იანვარში მტრედის სახელით შექმნილმა გვერდმა სახელი რამდენჯერმე შეიცვალა. თავდაპირველად მან შვიდი დაირქვა, შემდეგ კი გიორგი გახარია.

ფოტო: მითების დეტექტორი

2020 წლის აპრილში შექმნილმა გვერდმა სახელად Ufalia Chemi cxovreba 5 დღეში ჯერ საქართველოს დედა ეკლესია დაირქვა, შემდეგ კი გახარია - პოლიტიკა.

ფოტო: მითების დეტექტორი

2018 წლის ივნისში მათემატიკის თემატიკით შექმნილმა გვერდმა რამდენჯერმე იცვალა სხელი, თუმცა თემაში რჩებოდა, 2021 წლის თებერვალში კი თემატიკაც შეიცვალა, სახელიც და გახარია - მესამე ძალა დაირქვა.

ფოტო: მითების დეტექტორი

2021 წლის 26 აპრილს შეიქმნა გვერდი სახელად Goderdzi Chokheli - გოდერძი ჩოხელი, თუმცა იმავე დღეს გვერდმა გახარია მესამე ძალა დაირქვა.

ფოტო: მითების დეტექტორი

2011 წლის ოქტომბერში ბიძინა ივანიშვილის მხარდამჭერის მიზნით შექმნილმა გვერდმა 23 მარტს სახელი შეიცვალა და Gakharia & Media გახდა.

ფოტო: მითების დეტექტორი

აღსანიშნავია, ასევე, რომ გახარიას გადადგომის შემდეგ ფეისბუქ სივრცეში გახარიას მხარდამჭერი 8 ფეისბუქგვერდი გამოჩნდა.

გიორგი გახარია 18 თებერვალს გადადგა. მან ეს გადაწყვეტილება ნიკა მელიას საქმეს დაუკავშირა. 1-თვიანი დუმილის შემდეგ, 22 მარტს გახარიამ ჟურნალისტებს განუცხადა, რომ პოლიტიკიდან წასვლას არ აპირებს. 14 თებერვალს ქართული ოცნების ექვსმა დეპუტატმა უმრავლესობა დატოვა და გახარიას გუნდს შეუერთდა.