ლოქდაუნის პარალელურად, გასაკვირი არაა, რომ მსოფლიოში გაცნობის საიტის მოხმარებამ გაიზარდა. 2020 წლის მარტში ტინდერის მომხმარებლებმა პირველად და-match-ეს ერთმანეთი 3-მილიარდჯერ ერთ დღეში. მას შემდეგ ეს რეკორდი 130-ჯერ მოიხსნა. ბოლო მონაცემებით, პანდემიის დაწყების შემდეგ ტინდერის მომხმარებლებმა 42%-ით უფრო მეტჯერ ჩათვალეს სხვა ადამიანები მათ შესაფერისად.

თუმცა, ტინდერზე გაცნობის ისტორიებს ყოველთვის ბედნიერი და საოცარი დასასრული არ აქვს. ჩვენს მკითხველს ვთხოვეთ, მოეყოლათ Tinder-ის ისტორიები, რომელზეც ფილმს თუ არა, მოკლემეტრაჟიან ჰორორს მაინც გადაიღებდნენ და მათგან საუკეთესოები ამოვარჩიეთ. აი ისინიც:

1. კაფეში დამპატიჟა, შევუკვეთეთ, ვჭამეთ, ვსვით. მერე თქვა გავალ ცოტა ხნით, დასარეკი მაქვსო და აღარასდროს დაბრუნებულა. არც მე აღარასდროს დაბრუნებულვარ იმ კაფეში და იმედია მოგვიანებით მივიდა და გადაიხადა.

2. ერთხელ სხვა ფოტოები ეყენა და სხვა ტიპი მოვიდა, ვერც მივხვდებოდი, რო არ ეკითხა "ნათი შენ ხარო?" და მერე აქეთ მეუბნებოდა, ფოტოებში უფრო ლამაზი ხარო, ბოლოს ტაქსით რო წავედით, ჯერ თვითონ ჩამოვიდა რო მე გადამეხადა.

3. მე და ჩემმა დაქალმა მისი თინდერიდან ჩემი აწ უკვე ყოფილი ქმარი ვნახეთ და მივწერეთ. ბოლოს მცხეთაში ეპატიჟებოდა.

4. ყოფილს შევარიგე.

5. ჩემი ტინდერ ისტორია ისაა რომ ტინდერი არასოდეს მქონია და ჩემი ფოტოებით 50 ექაუნთია შექმნილი. ამაზე მეტი ჰორორი რაღა გინდათ. ალბათ აჭარაბეთზე ლარიანებს არიცხინებენ. მადლობა, ნახვამდის.

6. 31 წლის ტიპს ველოდებოდი და 50 წლისთან აღმოვჩნდი დეითზე. ჩეზე უფროსი შვილი რომ ჰყავდა.

7. ზაფხულში მეგობრებთან ერთად წავედი ჩანჩქერზე და ტინდერზე გაცნობილი ბიჭი მეხმარებოდა ქვებზე სიარულში თურმე, მერე ინსტაგრამზე ჩექინი რო ვნახე, მაშინ მივხვდი. ისე კი ვფიქრობდი, საიდან მეცნობა-თქო. ეგ იყო ჩემი ტინდერის მოხმარების ამბავი და სასიამოვნო ისტორია.

ეს ამბავი საშინელებათა ჟანრის ფილმის სცენარს არ ჰგავს, თუმცა, შეგვიძლია წარმოსახვა ჩავრთოთ: მთები, ჩანჩქერი, გაუვალი გზები, მეგობრები და ტყის საშიში ბინადრები...

8. გავიცანი ტიპი. 2 კვირა ვესაუბრე, ჩამოვიდა, დავპატიჟე ყავაზე, მოვიდა და იქ რაც მოხდააა... ტიპმა ტრანსიც არ მაკადრა, შენ "პიდარასტი" ხარო და წავიდა. ნუ მერე მე კი გავუკეთე გასაკეთებელი, მაგრამ ტინდერს ამის მერე აღარ ვიყენებ. არადა ნერწყვს ვყლაპავ, რა კაი ტიპები არიან.

9. ჩემი სურათებით ვიღაცამ გააკეთა, მეგობრისგან მივწერე წაშალე მეთქი და დაბლოკა. ეგრე არ უნდა მეთქი და ვუჩივლე. დიდი არაფერი, მაგრამ, ამას თუ კითხულობ, იცოდე რომ ვიცი ვინც ხარ.

თუ ეს ამბები საკმარისი არ აღმოჩნდა, წაიკითხეთ 17 ყველაზე უიღბლო პაემნის ისტორიები ასევე ჩვენი მკითხველისგან, ხოლო თუ თქვენ უფრო საინტერესო ამბავი გადაგხდენიათ, კომენტარებში ან ფეისბუქგვერდზე მოგვწერეთ.