სხვადასხვა სოციალურ ქსელზე, როგორიცაა Reddit, Twitter და Instagram ქლოი კარდაშიანის დაუმუშავებელი ფოტო გავრცელდა, მისი პიარის გუნდი აქტიურად ცდილობს ინტერნეტიდან ამ ფოტოს გაქრობას. როგორც მათ განაცხადეს, სურათი ქლოის ასისტენტმა შემთხვევით დაპოსტა, რეალითი შოუს ვარსკვლავი კი ფიქრობს, რომ ბუნებრივ ფოტოში არც ისე კარგად გამოყურება.

"ქლოი ძალიან ლამაზია ფოტოზე, მაგრამ როგორც მფლობელის, მისი უფლებაა წაშალოს მისთვის არასასურველი სურათი, რომლის გავრცელებასაც არ აპირებდა", — განაცხადა კარდაშიანების ბრენდის პიარ მენეჯერმა ტრეისი რუმულუსმა.

ერთი შეხედვით უწყინარი ამბავი მას შემდეგ გავრცელდა, როდესაც სოციალურ ქსელში სხვადასხვა ადამიანი ალაპარაკდა იმაზე, თუ როგორი აგრესიული მეთოდებით ცდილობდნენ კარდაშიანების წარმომადგენლები ფოტოს გაქრობას.

ინსტაგრამის მომხმარებელი, იუზერნეიმით ProblematicFame ამბობს, რომ მას ქლოის ფანები აგრესიული მესიჯებს და მუქარის წერილებს უგზავნიდნენ. "ვერასდროს ვიფიქრებდი, რომ მსგავს სიტუაციაში აღმოვჩნდებოდი", — განაცხადა მან.

ფოტო იმ ისეთ ანგარიშებზე გავრცელდა, რომლებიც ეწინააღმდეგებიან ცნობილი ადამიანების მიერ ფოტოშოპის ზედმეტად გამოყენებას. ისინი თვლიან, რომ სხეულის მსგავსი არარეალისტური სტანდარტები ცუდად მოქმედებს ადამიანების, განსაკუთრებით ახალგაზრდა ქალების ფსიქიკაზე. ისინი ამბობენ, რომ მნიშვნელოვანია დაუმუშავებელი ფოტოს გავრცელება.

პოსტი აგრეთვე გაავრცელა პლასტიკური ქირურგიის კონსულტანტმა კრისტალ გრინმა. რომლის Twitter ანგარიში დაიბლოკა იქამდე, სანამ ის ფოტოს წაშლას არ დათანხმდა.

"ძალიან სასაცილო და სევდიანია ის, თუ რამდენი რამის გაკეთებას ცდილობს ქლოი კარდაშიანი, იმისთვის რომ შეგვინარჩუნოს მისი სახისა და სხეულის ცრუ აღქმა", — განაცხადა გრინმა.

Intagram ანგარიშის TGTBATF მმართველმა, განაცხადა რომ მას კარდაშიანების წარმომადგენლები დაემუქრნენ, რომ სასამართლოში უჩივლებდნენ თუკი ფოტოს არ წაშლიდა. მსგავსს სიტუაციაში სხვა ინფლუენსერებიც აღმოჩნდნენ.

ქლოი ქარდაშიანი ამ თემას თავის Instagram-ზე გამოეხმაურა. მან ვიდეო გაავრცელა სადაც მისი თქმით, თავისი ბუნებრივი სხეული ჩანს და თან მესიჯიც დაურთო.

"როდესაც ადამიანი, მთელი ცხოვრება ებრძვის თავის სხეულის ფორმებს, ამ დროს ვიღაცა გიღებს ფოტოს ცუდ განათებაში და ცუდი რაკურსით, რომელიც არ ასახავს შენს რეალურ გარეგნობას და იმას რასაც მიაღწიე, ბუნებრივია რომ გსურს მისი წაშლა",— ამბობს კარდაშიანი. მისი თქმით ესმის ყველა იმ ადამიანის ვინც კომფორტულად არ გრძნობს თავს, საკუთარ სხეულში.

ქლოის გამამხნევებელი კომენტარები დაუტოვეს ოჯახის წევრებმა და ჰოლივუდის სხვადასხვა ვარსკლავმა.