ტესტი: როგორ გახსოვს თეა წულუკიანის ფრთიანი ფრაზები

ძველქართული სიტყვები და თავის ქება უყვარს, ბიძინა ივანიშვილისაც, რა თქმა უნდა. სამაგიეროდ, თითქმის ყველაფერს აკრიტიკებს, რაც ქართულ ოცნებას არ ეხება. უმეტესად ცინიკურია, სხვადასხვა ტრიბუნიდან ოპონენტებს თავს ესხმის და განსხვავებულ აზრს დიდად არ წყალობს. უკანონოდ გათავისუფლებულ თანამშრომლებს პოლიტიკურად ანგაჟირებულებს უწოდებს და არც სასამართლო გადაწყვეტილებების აღსრულება მოსწონს, თუ მის აზრს არ ემთხვევა.

ამავდროულად, ქართული ოცნების ერთ-ერთ ყველაზე გავლენიან მინისტრად მიიჩნევა და ერთადერთია, ვინც პოსტი თითქმის 8 წლის განმავლობაში შეინარჩუნა და თავადვე გადადგა. შემდეგ პარლამენტში შევიდა, იქაც არ დააკლო ოპონენტებს ქოქოლა და როცა კულტურის სამინისტრო ხელახლა შეიქმნა, ამ უწყების ხელმძღვანელი გახდა.

ამბობდა, თეატრში ყველა განსხვავებული აზრით დავინტერესდებიო, ეს ცენზურად ჩაუთვალეს და გააკრიტიკეს, რაც არ დავიწყებია. დღეს განაცხადა, არ შევაფასებ რუსთაველის თეატრის რუსეთში ვიზიტს, რადგან ჟურნალისტები მაფრთხილებდნენ, "ე მანდ, არ ჩაერიო შემოქმედი ხალხის საქმიანობაშიო", ჰოდა, "ე მანდ, არც ვერევიო".

ეს ყველაფერი წულუკიანის მცირე დახასიათებაა. უკეთ რომ გაიხსენო მისი მოღვაწეობა, შეავსე ფრთიანი ფრაზების ქვიზი.