ევროპული საქართველოს გენერალური მდივნის, გიგი უგულავას განცხადებით თებერვლისა და მარტის ბოლოს დაგეგმილი აქციებზე, თუ ხელისუფლება ძალას გამოიყენებს, მათი მხრიდანაც წინააღმდეგობა სრული და პროპორციული იქნება.

"ჩვენ არ ვაპირებთ გავრილოვის ხარკის გადახდას. თუ ხელისუფლება გამოიყენებს ძალას, მას მოუწევს ფიზიკურად ძალიან ბევრი ადამიანის დაპატიმრება, სანამ ამ უგუნურ საწადელს მიაღწევს და ასევე, იცოდნენ, რომ წინააღმდეგობა იქნება სრული და პროპორციული. მოვა სპეცრაზმი, დამარტყამს, დავარტყამ, პირდაპირ გეუბნებით. იმიტომ, რომ ისინი გავიდნენ კანონის ფარგლებიდან. ხელისუფლება გველაპარაკება, რომ უნდა დაგაჩმოროთ. გვეუბნება, რომ მე მოვალ სპეცრაზმით და ყველანაირ უკანონობას ჩავიდენ. მე საქართველოს მოქალაქეს, გიგი უგულავას მაქვს კონსტიტუციით მონიჭებული უფლება, როდესაც მოძალადე მოდის და მეძალადება, როდესაც სახელმწიფო არ მიცავს, მოქალაქემ თავი უნდა დაიცვას. აბსოლუტურად ეს არის კანონიერი, ეს ეფუძნება კონსტიტუციას", — განაცხადა უგულავამ ლეიბორისტული პარტიის ოფისში ოპოზიციის შეხვედრის დასრულების შემდეგ.

დღეს, 15 თებერვალს ცნობილი გახდა, რომ 25 თებერვალსა და 31 მარტს ოპოზიცია თბილისსა და რეგიონებში აქცია-მსვლელობას გამართავს. ევროპული საქართველოს ერთ-ერთი ლიდერის, გიგა ბოკერიას თქმით, აქციები რეგიონებშიც ჩატარდება.