ევროპული საქართველოს ლიდერის, გიგა ბოკერიას განცხადებით, ბოლო პერიოდში პარტიაში მიმდინარე დისკუსიების დროს, საქართველოს ექსპრეზიდენტი, მიხეილ სააკაშვილი, არანაირი დაპირისპირების მიზეზი არ გამხდარა. ამის შესახებ მან დღეს გამართულ ბრფინგზე ისაუბრა.

"არანაირი დაპირისპირების მიზეზი ახლა დისკუსიისას, სააკაშვილის საკითხი არ ყოფილა, საერთოდ. მე მიმაჩნია, რომ კოორდინირება ივანიშვილის რეჟიმის დასამარცხებლად არის აუციელებლი, მაგრამ ევროპული საქართველო არსებითად განსხვავებული გუნდი არის სხვა პოლტიკური პარტიებისგან. არანაირი გეგმები შერწყმის და ათქვეფის ერთმანეთში არ არსებობს. მაგრამ ეს წინაარმდეგობაში არ არის იმ ხედვასთან, რაც ახლაც გვაქვს", — განაცხადა მან.

დღეს ევროპულ საქართველოში პარტიის წევრების შეხვედრა მიმდინარეობდა. 9 თებერვალს On.ge-მ გაავრცელა ინფორმაცია, რომ პარტიაში სტრუქტურული ცვლილებები იგეგმებოდა. სწორედ ამ საკითხების განსახილველად შეხვდნენ ევროპული საქართველოს წევრები სრული შემადგენლობით ერთმანეთს.

როგორც შეხვედრის დასრულების შემდეგ პარტიის ორმა ლიდერმა, თავმჯდომარემ, დავით ბაქრაძემ და გენერალურმა მდივანმა, გიგი უგულავამ განაცხადეს, მომდევნო ყრილობის შემდეგ, აღნიშნულ თანამდებობებზე საკუთარ კანდიდატურას აღარ დააყენებენ. მათ მიაჩნიათ, რომ პარტიაში განახლების დროა, რაც მათ შორის, ლიდერების ცვლილებას გულისხმობს. აღნიშნულს არ ეთანხმება გიგა ბოკერია, რომელიც ამბობს, რომ "ამ ვითარებაში ლიდერების გევრდით ჩაწევა" მცდარია.