სახალხო დამცველის ნინო ლომჯარის თქმით, შესაძლოა თეა წულუკიანს შეიძლება ინფომრაცია არ აქვს სახალხო დამცველის მანდატზე და ადამიანის უფლებების სტანდარტებზე.

ლონჯარიას თქმით, სახალხო დამცველს ამნისტიის კანონპროექტის შემუშავების პროცესში მონაწილეობა არ მიუღია, ქ-ნ თეა წულუკიანს პარლამენტში უთქვამს, სახალხო დამცველი არ გვყავსო.

"შეიძლება განათლებისა და კულტურის კომიტეტის თავმჯდომარეს არა აქვს ინფორმაცია სახალხო დამცველის მანდატზე და ადამიანის უფლებების სტანდარტებზე, ამიტომ განვმარტავ, რომ: ამნისტია პოლიტიკური აქტია. ადამიანის უფლებათა სამართლიდან გამომდინარე, სახალხო დამცველი ვერ იტყვის, თუ რომელ მუხლს უნდა შეეხოს ამნისტია, რადგან, კიდევ ერთხელ, ამნისტია არის პოლიტიკური აქტი! ქალბატონი თეა თავად შეეხო პირობით ვადამდე გათავისუფლების პრობლემურობის საკითხი ნამდვილად, წლების განმავლობაში ეს ერთ-ერთი მწვავე პრობლემაა! აღნიშნულს არაერთი ანგარიში თუ რეკომენდაცია მივუძღვენით, რომლებიც გადაეგზავნა როგორც იუსტიციის სამინისტროს, ასევე პარლამენტს, თუმცა, "პატიმრებზე მზრუნველი" მინისტრის მხრიდან რეაგირება არ მოჰყოლია", — წერს ლომჯარია.

იუსტიციის ყოფილმა მინისტრმა და პარლამენტის დეპუტატმა, თეა წულუკიანმა სახალხო დამცველი ისევ გააკრიტიკა. ამჯერად სამოქალაქო ინტეგრაციის კომიტეტის სხდომაზე მან განაცხადა, რომ "მგონი, ქვეყანაში სახალხო დამცველი არ გვყავს".

აღსანიშნავია, რომ ეს წულუკიანის მხრიდან სახალხო დამცველის კრიტიკის პირველი შემთხვევა არ არის.

21 იანვარს სახალხო დამცველმა პარლამენტში სპეციალური ანგარიში წარმოადგინა, სადაც ის ციხეებში სუბკულტურის არსებობაზე მიუთითებს. ნინო ლომჯარიას შემდეგ საპასუხოდ გამოსულმა იუსტიციის მინისტრმა, თეა წულუკიანმა განაცხადა, რომ ომბუდსმენის ანგარიშები "ციხეებიდან თანამშრომლების მოტანილ ამბებზეა" აგებული.

23 იანვარს პენიტენციურმა სამსახურმა გაავრცელა განცხადება, რომ ნინო ლომჯარია ციხეში ოპოზიციის ლიდერებს ხვდებოდა. მატროსოვის ციხიდან გამოსვლის შემდეგ ომბუდსმენს ჟურნალისტები დახვდნენ, რომლებსაც მან უთხრა, რომ კონფიდენციალურია იმ პატიმართა ვინაობა, ვინც მოინახულა. მანვე აღნიშნა, რომ თეა წულუკიანმა მისი ციხეში შესვლის გასაჯაროვებით კანონი დაარღვია.

26 იანვარს წულუკიანი სახალხო დამცველის მიერ პატიმარი პოლიტიკოსების მონახულებას გამოეხმაურა და თქვა, რომ მიუხედავად იმისა, ომბუდსმენი არა სხვა პატიმრებს, არამედ მათ ესტუმრა, "მაინც მადლიერია".

გაიგე მეტი: