ქართული ოცნების დეპუტატის, მიხეილ ყაველაშვილის განცხადებით, პარლამენტში ნაციონალური მოძრაობის წევრის, რომან გოცირიძის ხილვა უნდა. მისი თქმით, გოცირიძეს პატივს სცემს, რადგან ის არასდროს აცდენდა სხდომებს.

"მაგალითად ველოდები, შეგიძლიათ გადასცეთ, რომან გოცირიძეს, რომელიც ყოველდღე ესწრებოდა. ერთადერთი ადამიანი იყო, რომელიც არასდროს არ აცდენდა ოპოზიციიდან. რომელსაც პატივს ვცემ მინდა გითხრათ", — განაცხადა ყაველაშვილმა.

დღეს, 11 დეკემბერს პარლამენტში მე-10 მოწვევის სხდომა მიმდინარეობს, რომელშიც მხოლოდ ქართული ოცნება იღებს მონაწილეობას. სხდომაზე ასევე არიან მიწვეული პრეზიდენტი, პატრიარქი და დიპლომატები. პატრიარქის ნაცვლად, სხდომას მისი მოსაყდრე, შიო მუჯირი ესწრება.

სხდომის პარალელურად, მოსწავლე ახალგაზრდობის სასახლის ეზოში შეკრებილმა ოპოზიციის ნაწილმა მანდატებზე უარი თქვა და ხელი მოაწერა საერთო მემორანდუმს ბოიკოტის შესახებ.