კრიმინალის შემცირების გამო, ჰოლანდიაში რამდენიმე ციხე დაიხურა. ქვეყნის ხელისუფლებამ შენობებს სხვა ფუნქცია მოუძებნა და დევნილების თავშესაფრად აქცია.

შარშან, ნიდერლანდების ტერიტორიაზე 50 ათასი მიგრანტი შევიდა. მათი საცხოვრებელი ფართით უზრუნველყოფის პრობლემა ქვეყანამ ასე გადაწყვიტა.

ფოტო: National Geographic

ჰოლანდიაში თავშესაფრის მიღებამდე დევნილებს მუშაობის უფლება არ აქვთ. იურიდიული პროცედურისა და მათი განაცხადის განხილვის დასრულებამდე, ისინი ჰოლანდიურ ენას სწავლობენ, რათა საზოგადოებაში ინტეგრაცია მარტივად შეძლონ.

ფოტო: National Geographic

დამთრგუნველი გარემოს მიუხედავად, მიგრანტები ამბობენ, რომ კმაყოფილები არიან, რადგან აქვთ საცხოვრებელი ადგილი და თავს უსაფრთხოდ გრძნობენ.

ფოტო: National Geographic

თავშესაფრის ოფიციალურად მიღებამდე, რომლის პროცესიც 6 თვემდე შეიძლება გაგრძელდეს, მიგრანტებს ციხეში მისვლა ან მისი დატოვება ნებისმიერ დროს შეუძლიათ.

ფოტო: National Geographic

ამ ბანაკებში მთელი მსოფლიოდან ჩამოსული, სხვადასხვა ეროვნების, სექსუალური ორიენტაციისა და რელიგიური აღმსარებლობის ადამიანები ცხოვრობენ.