უკრაინის დედაქალაქ კიევში პარლამენტთან მიმდინარე საპროტესტო აქციის დროს დაპირისპირება მოხდა. უკრაინული Unian-ის ცნობით, შეტაკებებისას პოლიციამ ერთი მომიტინგე დააკავა.

ადგილობრივი მედიის ინფორმაციით, მასშტაბური აქცია მეწარმეების ორგანიზებით გაიმართა. მოძრაობა SaveФОП-ის წარმომადგენლები რადას დეპუტატებს პარლამენტში შესვლის საშუალებას არ აძლევდნენ. ნაციონალური გვარდია და პოლიცია კი დეპუტატებისთვის დერეფნის შექმნას ცდილობდნენ, რათა შენობაში შესულიყვნენ.

მედია წერს, რომ აქციის მონაწილეები სალარო აპარატების შემოღებას ეწინააღმდეგებიან. მოქალაქეები, ასევე, კორონავირუსის პანდემიის გამო, უკრაინაში, შაბათ-კვირას კარანტინის დაწესებასაც აპროტესტებენ.