რუსთავი 2 20:00 საათისთვის ეგზიტპოლის შედეგებს აქვეყნებს. ტელეკომპანიის მიერ ბრიტანული სერვეიშენისთვის დაკვეთილი ეგზიტპოლის შედეგები 18:00 საათის შემდეგ მცირედითაა შეცვლილი და ასე გამოიყურება:

  • ქართული ოცნება — 51,36%;
  • ნაციონალური მოძრაობა — ძალა ერთობაშია — 25,38%;
  • ევროპული საქართველო — 4,2%;
  • გირჩი — 3,65;
  • ლელო — 2,94;
  • ბლოკი გიორგი ვაშაძე — სტრატეგია აღმაშენებელი — 2,47%;
  • პატრიოტთა ალიანსი — 2,36%;
  • ლეიბორისტული პარტია — 1,23%;
  • ალეკო ელისაშვილი — მოქალაქეები — 1,11%;

სხვა დანარჩენი პარტიები 1%-ს ქვემოთ არიან. რუსთავის 2-ის განცხადებით, როგორც მათ სერვეიშენმა განუცხადა, 120 საარჩევნო უბანზე 10 000-ზე მეტი ადამიანი გამოკითხეს. მათივე თქმით, ცდომილება 1,2%-ია.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: