ლელოს ერთ-ერთი ლიდერის, ბადრი ჯაფარიძის განცხადებით, აუცილებელია არცერთი ხმა არ დაიაკრგოს, რადგან მათი მონაცემებით, ლელოს ამ არჩევნებზე "ძალიან მნიშვნელოვანი შედეგები" აქვს.

"ცალსახაა, რომ ქართული ოცნება დამარცხდა. სხვადასხვა ეგზიტპოლი ქვეყნდება. მინდა მოვუწოდო ჩვენს ამომრჩევლებს და ჩვენს დამკვირვებლებს, რომ მაქსიმალური მობილიზაცია ჰქონდეთ, იმისათვის, რომ არცერთი ხმა არ დაიკარგოს. ჩვენ უნდა გვესმოდეს, რომ ახლა არის გადამწყვეტი ეტაპი, როცა იწყება ხმების დათვლა. ჩვენი მონაცემებით, ლელოს აქვს ძალიან მნიშვენლოვანი შედეგი ამ არჩევნებზე, ამიტომ აუცილებელია, რომ იქნეს დათვლილი საგულდაგულოდ ყველა ხმა და არ მივცეთ საშუალება ხელისუფლების წარმომადგენლებს, რომ გააყალბონ შედეგები", — განაცხადა ჯაფარიძემ.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: