სანდრა-ელისაბედ რულოვსი, რომელიც საქართველოს პარლამენტში ნაციონალურ მოძრაობის სიით მოხვდა, დეკლარაცია 2016 წლის 31 დეკემებერს შეავსო. მის დეკლარაციაში ოჯახის წევრებად მეუღლე - საქართველოს მესამე პრეზიდენტი მიხეილ სააკაშვილი და შვილი - ნიკოლოზ სააკაშვილი არიან მითითებული.

რულოვსის სახელზეა რეგისტრირებული 2 ბინა ნიდერლანდებში და 1 საქართველოში (თბილისი). ამავე დეკლარაციით, მისი ქმარი არ ფლობს ბინას, თუმცა ეკუთვნის მიწის ნაკვეთები ყვარელსა და მცხეთაში.

დეკლარაციის მიხედვით, რულოვსსა და სააკაშვილის 2015 წლის 1 იანვრიდან 31 დეკემბრის ჩათვლით არ მიუღიათ შემოსავალი სამუშაოს შესრულებისთვის. აღსანიშნავია, რომ სააკაშვილი ოდესის ოლქის გუბერნატორის თანამდებობაზე 2015 წლის 30 მაისს დაინიშნა.

იმის მიუხედავად, რომ 2015 წელს რულოვსსა და სააკაშვილს 2015 წელს სამუშაოს შესრულებისთვის ანაზღაურებაზე მითითებული არ აქვთ, დეკლარაციის შევსების მომენტისთვის, მათ ანგარიშებზე რამდენიმე ათასი ირიცხება. კერძოდ, სანდრა-ელისაბედ რულოვსს 44 800 ლარი, 28 ათასი ევრო, 8 500 დოლარი და ნაღდი ფულის სახით 15 ათასი დოლარი. მიხეილ სააკაშვილს კი - 57 ათასი დოლარი, 48 ათასი ევრო და 129 950 უკრაინული გრივნა აქვს, რაც დაახლოებით 13 064 ლარია. მათ საერთო შვილს 35 ათასი ევრო აქვს.