ევროპული საქართველოს ლიდერმა, დავით ბაქრაძემ, პარტიის იმერეთის მაჟორიტარობის კანდიდატებთან, აკაკი ბობოხიძესთან, გიგი წერეთელთან და სერგო რატიანთან ერთად ქუთაისში, ყოფილი პარლამენტის შენობის წინ, მოსახლეობათან შემაჯამებელი შეხვედრა გამართა. შეხვედრას ასევე ესწრებოდა ევროპული საქართველოს წევრი, გიორგი კანდელაკი, რომელიც იმერეთში პარტიულ კონკურენციაში მონაწილეობს.

კადნელაკის თქმით, ევროპული საქართველოს გეგმა, რომელიც გულისხმობს ვიზეარის ბაზის აღდგენას, რაინეარის ბაზის გახნასა და ქუთაისის აეროპორტში სატვირთო ტერმინალის აშენებას, მოუტანს ამ რეგიონს მილიონ ევროპელ ტურისტს წლიურად, ხოლო რეგიონის პროდუქცია გავა მსოფლიო ბაზარზე, მათ შორის ევროპასა და სპარსეთი ყურის ქვეყნებში.

"ხელისუფლების ჩაფლავებული საქმეების ნუსხა ძალიან დიდია. ევროპული საქართველოს გარდამტეხი ცვლილებების გეგმა არ არის სადღეგრძელო, ქართულ ოცნებას არც გეგმა აქვს, არც ამბიცია და არც ხედვა, სხვები სადღეგრძელოებს ამბობენ, ჩვენ გვაქვს კონკრეტული გეგმა.

ჩვენი გეგმით, ქუთაისის აეროპორტში უნდა აღდგეს ვიზეარის ბაზა, უნდა გაიხნას რაინეარის ბაზა, რაც ქუთაისს და ამ რეგიონს მოუტანს მილიონ ევროპელ ტურისტს. ეს არის გეგმა, რომელიც ძალიან ბევრ ადამიანს გამართავს წელში და მოუტანს შემოსავალს.

ჩვენივე გეგმით უნდა აშენდეს სატვირთო ტერმინალი ქუთაისის აეროპორტში, რათა აქაური იაფი და ხარისხიანი მწვანილი გავიდეს მსოფლიო ბაზარზე, რაც მოუტანს თითოეულ ადამიანს კეთილღეობას ამ რეგიონში. ამრიგად, გარდამტეხ ცვლილებებმადე დარჩა მხოლოდ ერთი კვირა", — განაცხადა კანდელაკმა.