უკანონო შემოსავლის ლეგალიზაციის აღკვეთის ხელშეწყობის მიზნით, საქართველოს ეროვნულმა ბანკმა საყურადღებო ზონების ნუსხა განსაზღვრა. ეროვნული ბანკის პრეზიდენტის მოვალეობის შემსრულებლის 2017 წლის 9 იანვრის ბრძანებით ამ ნუსხაში 21 ქვეყანა მოხვდა.

ბრძანების მიხედვით, რომელიც 1 თებერვლიდან უნდა ამოქმედდეს, ამ ჩამონათვალში შედიან:

  1. ავღანეთის ისლამური რესპუბლიკა;
  2. ანგილია;
  3. ერაყის რესპუბლიკა;
  4. ირანის ისლამური რესპუბლიკა;
  5. სირიის არაბთა რესპუბლიკა;
  6. ტაჯიკეთის რესპუბლიკა;
  7. ანტიგუა და ბარბუდა;
  8. დომინიკის თანამეგობრობა;
  9. თერქს-ქაიქოსის კუნძულები;
  10. კაიმანის კუნძულები;
  11. კოლუმბიის რესპუბლიკა;
  12. კორეის სახალხო დემოკრატიული რესპუბლიკა (ჩრდილოეთ კორეა);
  13. ნიგერიის ფედერალური რესპუბლიკა;
  14. სეიშელის რესპუბლიკა;
  15. ბოსნია-ჰერცეგოვინა;
  16. ვანუატუ;
  17. იემენის რესპუბლიკა;
  18. ლაოსის სახალხო დემოკრატიული რესპუბლიკა;
  19. სენტ-ვინსენტი და გრენადინები;
  20. სენტ-კიტსი და ნევისის ფედერაცია;
  21. უგანდის რესპუბლიკა.

პირველი 14 ქვეყანა საყურადღებო ზონებში, ეროვნული ბანკის პრეზიდენტის 2011 წლის 24 აგვისტოს ბრძანებითაც, შედიოდნენ. თუმცა, ბოლო 7 2017 წლის ბრძანებით დაემატა.

ამ ბრძანების მესამე მუხლი ითვალისწინებს საქართველოს ეროვნული ბანკის პრეზიდენტის 2011 წლის 24 აგვისტოს იმ ბრძანების გაუქმებას, რომლის მიხედვითაც, უკანონო შემოსავლების აღსაკვეთად საყურადღებო ზონად 42 ქვეყანა იყო განსაზღვრული. საყურადღებო ზონებად აღარ მიიჩნევა: ინდოეთი; ინდონეზია; ბარბადოსი; გვატემალა; გრენადა; გუამი; ვანუატუ; კაბო ვერდე; კუკის კუნძულები; ლიბანი; ლიბერია; მარშალის კუნძულები; მიანმა (ბირმა); მიკრონეზია; მონსერატი; ნაურუ; ნიუე; პაკისტანი; პალაუ; სამოა; სენტ-ლუსია; სენტ-ვინსენტი და გრენადინები; სენტ-კრისტოფერი და ნევისი;სუდანი; ტაიტი; ფილიპინები; ჩრდილოეთ მარიანას კუნძულები და ჯიბუტი.

2017 წლის 9 იანვრის ბრძანებითვე, საქართველოს ფინანსური მონიტორინგის სამსახურს დაევალა ყოველწლიურად შეამოწმოს საყურადღებო ზონების ნუსხა და მასში დასაბუთებული ცვლილებების აუცილებლობის შემთხვევაში, ინფორმაციის საქართველოს ეროვნული ბანკისთვის წარდგენა.