დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ცენტრის ხელმძღვანელის მოადგილე, პაატა იმნაძე ბათუმში კორონავირუსზე ტესტირებისთვის კარვების გახსნას არასწორ და პოპულისტურ ნაბიჯს უწოდებს. ამის შესახებ მან ფორმულას ეთერში, გადაცემა პოლიტმეტრში ისაუბრა.

ბათუმში რამდენიმე კარავი აგვისტოს ბოლოს და სექტემბრის დასაწყისში იყო გახსნილი. როგორც იმნაძე ამბობს, კარვებში ტესტირებით ყველა თავის ცნობისმოყვარეობას იკმაყოფილებდა, რამაც ლაბორატორიების გადატვირთულობა და პასუხების დაგვიანება გამოიწვია.

"დავთანხმდით, ასე ვთქვათ, მოსახლეობის მოთხოვნას, საზოგადოების ზეწოლას, შეიძლება ითქვას. მე შემიძლია ვთქვა, რომ ეს იყო ნამდვილად ჩვენი შეცდომა", — განაცხადა იმნაძემ.

მან გადაცემაში კიდევ ერთხელ აჩვენა, რომ ტესტირებების მაჩვენებლით საქართველო ბევრ განვითარებულ ქვეყანას უსწრებს.

20 ოქტომბერს საქართველოში კორონავირუსის 1 194 ახალი შემთხვევა გამოვლინდა. გამოჯანმრთელდა — 328.

სულ ქვეყანაში 19 857 შემთხვევაა დაფიქსირებული. ამათგან 8 666 პაციენტი გამოჯანმრთელდა და 158 გარდაიცვალა. კარანტინის რეჟიმშია 6 407 ადამიანი, სტაციონარში მეთვალყურეობის ქვეშ — 2 862; კოვიდ სასტუმროში მყოფი პირები — 1420.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: