ევროპული საქართველოს მაჟორიტარობის კანდიდატი ტყიბულის, თერჯოლის, ზესტაფონისა და ბაღდათის ოლქში, გიგი წერეთელი, გელათის სამონასტრო კომპlექსის გადახურვითი სამუშაოების არაჯეროვნად შესრულებაზე საუბრობს.

წერეთლის თქმით, ის სამუშაოები, რომლებიც ჩატარდა, არ იყო ჯეროვნად შესრულებული და დღეს ამ კულტურის ძეგლს ემუქრება დიდი საფრთხე. წერეთელი მოუწოდებს შესაბამის ორგანოებს, რომ დაინტერესდნენ ამ საკითხით და სრულფასოვნად მოახდინონ ამ კულტურული ძეგლის რესტავრაცია:

"ძალიან საგანგაშოა, როდესაც 7 წელი გავიდა გელათის ამ გადახურვითი სამუშაოების და სხვა სარეაბილიტაციო სამუშაოების დაწყებიდან და დღეს საუბარია იმაზე რომ აქ შესაძლებელია ფრესკები დაზიანდეს, არის აქ კუსტარულად, "ბრეზენტით" გადახურული ერთი ნაწილი სახურავის და როგორც საქმის მცოდნეები ამბობენ, თუ პროცესი გაღრმავდა, რა თქმა უნდა, საფრთხე კიდევ უფრო დიდია".

მისივე თქმით, საუბარია იმაზე, რომ მონიტორინგი იყო სუსტი, იქ შემსრულებელმა იმუშავა უხარისხოდ, შესაბამისად, სახეზეა უპასუხისმგებლობა და სამუშაოების არაჯეროვნად შესრულება.

"ამას სჭირდება დროულად, სწრაფად გამოსწორება, ვისაც ეს ეხება, ეს იქნება სააგენტო თუ კულტურის სამინისტრო თუ კონკრეტული შემსრულებელი. გელათს, ჩვენი კულტურული მემკვიდრეობის უდიდეს ძეგლს, სულიერების კერას და საქართველოსთვის ერთ-ერთ უმნიშვნელოვანეს ტაძარს სჭირდება შველა ახლა, სწრაფად, რათა კიდევ უფრო რთულ მდგომარეობამდე არ მივიდეს საქმე", — განაცხადა წერეთელმა.