სტრატეგია აღმაშენებლის ლიდერის, გიორგი ვაშაძის განცხადებით, ქვეყანაში შექმნილმა მძიმე ეკონომიკურმა მდგომარეობამ და "დამსხვრეული ოცნებების მთავრობის" უმოქმედობამ მცირე და საშუალო ბიზნესი ძალიან დააზარალა.

"ჩვენ შევხდით მცირე და საშუალო ბიზნესის წარმომადგენლებს. ქვეყანაში შექმნილმა კატასტროფული მდგომარეობამ ეს სფერო საკმაოდ დააზარალა. ფაქტობრივად ქვეყანაში ეკონომიკური კოლაფსია, რის გამოც ლარის კურსი სწრაფად ვარდება. ადამიანებმა არ იციან როგორ დაფარონ სესხები, როგორ შეასრულონ ის ვალდებულებები, რომლებიც ბანკებთან, კერძო მევალეებთან და მიკროსაფინანსოებთან აქვთ. ხელისუფლებამ ეს ხალხი მიატოვა და ფული, რომელიც გამოყოფილია საქართველოსთვის მხოლოდ მათ ხმარდებათ", — აცხადებს ვაშაძე.

ვაშაძეს მიაჩნია, რომ 5 მილიარდი ლარიდან, რომელიც საქართველომ მიიღო, 500 მილიონი სწორედ აღნიშენული სფეროს გადარჩენას უნდა მოხმარდეს.

"სტრატეგიული აღმაშენებლის გეგმით 5 მლრდ.-დან, რომელიც გამოყოფილია საქართველოსთვის, 500 მლნ. უნდა მცირე და საშუალო ბიზნესს უნდა მოხმარდეს.უნდა მოხდეს ყველას სესხის პროცენტის სუბსიდირება 6 თვის განმავლობაში; დაუყოვნებლივ შეჩერდეს ქონების გადაფორმებები მიკროსაფინანსოებსა და ბანკების მიერ. ეს არის ფორსმაჟორი და არ შეიძლება ამ პროცეში იჩაგრებოდეს მცირე და საშუალო ბიზნესი და მასში დასაქმებული ადამიანები, ხოლო ბანკი მათ ქონებას იფორმებდეს. სამწუხაროა, რომ მათ 220 მლნ-ის ქონება უკვე გადაიფორმეს და რაც უმთავრესია, პენსიონრებს უნდა ჩამოეწეროს სესხის პროცენტი. ეს ფული ჩვენ მოგვცა ამერიკამ და ევროპამ იმისთვის, რომ ვართ მათი მეგობარი ქვეყანა და სტრატეგიული პარტნიორი, ამ ფულს კი ჩაფლავებული ოცნებების პარტია მხოლოდ საკუთარი მეგობრებისთვის და საკუთარი ბიზნებესითვის იყენებს. ეს ფული ყველამ უნდა მიიღოს და არა ისევ კორუფციულ ხვრელებში გაუშვას ჩაფლავებულმა გახარიამ. დაუყოვნებლივ უნდა შეჩერდეს აღსრულების საკითხები და ქონების გადაფორმებებზე ექვსი თვიანი მორატორიუმი გამოცხადდეს, სხვა გამოსავალი არ არის", — ამბობს გიორგი ვაშაძე.