სტრატეგია აღმაშენებლის ლიდერი, გიორგი ვაშაძე ნულოვან ნდობას უცხადებს პრემიერმინისტრსა და საგარეო საქმეთა მინისტრს. ვაშაძითვის გაურკვეველია, რამ გამოიწვია მოლაპარაკების პროცესის დაჩქარება საქართველოსა და აზერბაიჯანს შორის.

"ჩემთვის ნულოვანი ნდობის არის ზალკანიანი და ჩემმა მტერმა ნუ ქნას, რომ ზალკანიანის იმედად იყოს საქართველოს სახელმწიფო ინტერესების დაცვა. აქ საქმე შეეხება საქართველოს ტერიტორიებს, ჩვენს სიწმინდეებს და აქედან გამომდინარე დაუყოვნებლივ მოვითხოვთ ჩვენ და საზოგადოებრივი საბჭო, რომ გამჭვირვალე გახდეს ეს პროცესი. არანაირად არ ვენდობი ჩაფლავებულ გახარიას და მითუმეტეს ზალკანიანს. რამ დააჩქარა საერთოდ ეს მოლაპარაკება? დაუყოვნებლივ მოვითხოვ, რომ საჯარო და გამჭვირვალე გახდეს ეს პროცესი და ასევე მოვითხოვ დაუყოვნებლივ ჩაერთოს ძალიან ბევრი პირი, მათ შორის ჩვენ, პოლიტიკოსები ამ საქმეში. უნდა ვიცოდეთ, ჩვენი ტერიტორიები რომ დაგვაკარგინონ თავისი ანტისახელმწიფოებრივი ქმედებებით მერე რას ვამბობთ? ჩვენი ტერიტორიები უნდა დავიცვათ. რა თქმა უნდა აზეირბაიჯანი ჩვენი მშვიდობიანი და სტრატეგიული პარტნიორია, მაგრამ, ჩვენი ინტერესები უნდა დავიცვათ. მე არანაირი იმედი და ნდობა არ მაქვს, რომ ზალკანიანი არის ის პირი, რომელიც დაიცავს ჩვენი ქვეყნის ინტერესებს, პირიქით, მან შეიძლება ტერიტორიები გაყიდოს" — გიორგი ვაშაძე.