დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ცენტრის ხელმძღვანელის მოადგილის, პაატა იმნაძის თქმით, როცა ბეღურების გუნდი მოფრინავს, არ შეიძლება რაკეტები ესროლო, ასე შეაფასა ქვეყანაში კორონავირუსით ინფიცირების მატებასთან დაკავშირებული კომენტარები.

"ხომ არ შეიძლება, რომ როცა ბეღურების გუნდი მოფრინავს, ესროლო ბალისტიკური რაკეტები, საფანტიანი თოფი უნდა გქონდეს. მთელი ეს პერიოდი ჩვენთან ტესტირებულებში დადებითობის მაჩვენებელი 1%-ზე მეტი იყო, ახლა 2%-ს მივუახლოვდით, ასე რომ ტესტირება გაიზრდა მაშინ, როდესაც შევატყვეთ, რომ მაჩვენებელმა მოიმატა", — განაცხადა პაატა იმნაძემ.

დღეს 14 სექტემბერს საქართველოში კორონავირუსის 165 ახალი შემთხვევა გამოვლინდა. დღევანდელი მონაცემებით, ქვეყანაში სულ 2 392 შემთხვევაა დადასტურებული. აქედან უკვე 1 369 გამოჯანმრთელდა, ხოლო 19 გარდაიცვალა.

ამ ეტაპისთვის კარანტინშია 5 882 ადამიანი, ხოლო სტაციონარში მეთვალყურეობის ქვეშ 390.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: